Nagmamadali ako sa pagbaba ng hagdan habang mabilis na sinusuyod ko ang buong paligid. Halos ilang beses pa akong muntik ng madapa dahil sa pagmamadali. Hinahanap ko sa lupon ng mga tao ang aking asawa na hindi ko na nadatnan sa aming higaan.
"s**t! Nasaan ba siya?" bulalas ko nang hindi ko siya makita sa sala kung saan ay naroon ang mga makikipaglibing.
Hindi ako ginising ni Malzia. Siguro iniisip niya na marami akong puyat na naipon at gusto niyang magpahinga ako. Kaya ko naman ang katawan ko. Isa pa bumabawi ako ng tulog kapag tanghali. Limang araw lang naman akong nagpuyat. Sinasamahan ko kasi si Zandro sa pagbabantay sa kabaong ni Mahlia hanggang hatinggabi para may kasama siya. Saka ko siya iiwan kapag dumating na ang mga rerelyebo sa amin sa pagbabantay.
At ngayong araw ang libin
