Patuloy ang pagbubulong-bulungan sa paligid at hindi magkamayaw ang mga tao na naroroon. Lahat sila ay nagulat sa imbitasyon na kanilang natanggap, pero hindi iyon naging hadlang para lumiban sila sa kapana-panabik na okasyon na iyon. Alam nila na marami ang magaganap kaya hindi nila dapat na palampasin ang pagdiriwang o ang kaguluhan man.
Aligaga si Brent habang naghihintay sa babae na nakatakda niya na pakasalan. Dumating na ang araw na pinakahihintay niya at hindi niya maipaliwanag ang saya na nararamdaman niya. The feeling he has now is very different from his first marriage. Noon kasi ay sikreto ang kasal nila kaya madalian lamang ang lahat, walang preparasyon at lalo na walang bisita, pero hindi nila alintana ni Harper ang kasimplehan ng kasal nila noon dahil punong-puno sila ng pag
