KINABUKASAN pagkatapos ng almusal ay bumalik sina Camilla at Chase sa bahay ng kan’yang tiya. Ayaw na sumama ni Charlie at nawili na sa panonood sa nag-harvest ng bunga ng santol. Marami na kasing hinog at nahuhulog lang sa lupa ang bunga.
“Bakit hindi na sumama si Charlie? Ayaw na ba niya rito?” may tampong tanong ni Solidad nang salubungin sila sa salas.
“Nako, Tita, hindi na maabala si Charlie,” ani Camilla.
“Baka puwedeng makasama saglit sa inyo at nang masilip ko ang bagong bahay.”
“Oo naman, Tita. Babalik pa kami mamaya kasi hindi magkasya ang ibang gamit sa kotse.”
“Iwan n’yo na lang ang iba na hindi naman nagagamit. Nakabili naman ata ng mga appliances si Chase at furniture.”
“Meron na po. Iyong paboritong gamit lang ni Charlie ang kukunin ko.”
“Sige, sasama ako. Kakausapin
