MARTES ng madaling araw umalis si Chase patungong Subic Bay kasama si Vladimir. Sa araw rin na iyon babalik sa trabaho si Camilla pero kumpirmado na ring kasama siya sa medical mission ng cardiology department. Mabuti pumayag si Maya na mag-side-line muna sa pagbabantay kay Charlie. Sa gabi naman umano ang gigs nito sa mga bar kung saan ito kumakanta.
Si Maya na ang kasama ni Charlie sa pagpasok sa school at ibang bodyguards. Komportable naman dito ang anak niya.
Dumayo sila sa isang baranggay sa Metro Manila na malayo sa malalaking ospital. Iisang lugar na lang sila at pinadayo lang roon ang kalapit bayan. Tatlong cardiologist ang kasama nila at isa na roon si Herald. Namangha siya nang malaman na donation ang tatlong buwang sahod in Herald para sa mga gipit na pasyente na kailangan ng
