MAINIT naman ang pagsalubong ng mommy ni Chase kay Camilla, ganoon din si Sania. Pero kahit nakangiti, bumakas sa mukha ng ginang ang pagkasorpresa. Maaring nag-expect na ito na hindi dadalo si Chase sa kasal ni Nico ‘tapos kasama pa siya.
First time nakita ni Rochelle si Charlie nang personal kaya napaiyak ito habang yakap ang apo. Naging emosyonal din si Sania nang makita ang bata. Noong huling bisita kasi nila sa kaniyang ina ay saglit lang sila.
“Salamat at naisip mong pumunta rito, Camilla. Matagal ko na gustong makita ang apo ko,” humihikbing wika in Rochelle.
“Pasensiya na po kung ngayon lang ako nagkaroon ng lakas ng loob na humarap sa inyo. Sorry rin kung inilayo ko ang apo n’yo,” aniya.
Sa pinakaunang linya ng upuan na sila pumuwesto, sa mga kamag-anak ng groom.
“Ayos lang,
