JANINA'S POV
Nakailang lipat na ako ng puwesto sa higaan pero hindi pa din ako dalawin ng antok.
Alas-onse na ng gabi pero heto ako at gising na gising pa ang diwa. Naninibago siguro ako sa oras dito dahil magka-iba ang oras dito sa Pilipinas at sa UK na nakasanayan ko na. Mukhang ilang araw pa akong mag-a-adjust, tiyak na magiging araw ko ang gabi at gabi ko ang araw. Kung hindi lang ako pagod tiyak na aayain ko ang mga kaibigan ko para magpalipas ng oras sa bar.
Bumangon ako at bumaba sa aking kama. Kahit ano talaga ang pilit ko ay hindi ako makatulog.
Naglakad ako hanggang sa may bukana ng hagdan. Mula rito sa taas ay kita ko sina Nanay at Jonna na nakaupo at kaharap ang laptop at ilang tambak ng papel sa maliit na lamesita.
"Bakit hindi ka pa natutulog?" tanong ni nanay ng mak
