Irish POV
Matapos ang masayang almusal kasama sina Calla at Caroline ay nagpaalam akong aakyat para magbihis. Kailangan ko kasi talagang puntahan si Don Pablo para ipaalam dito ang tungkol sa kalagayan ng hacienda.
Tulad ng inaasahan, hindi na naman nakatiis si Collin at nakabuntot na naman sa akin. Pinagtatalunan pa namin ang damit na isusuot ko dahil hapit daw jeans at puting t-shirt na pinili ko at masyadong matambok ang pwet at balakang ko.
Minsan mababaliw ako kung laging kasama ko si Collin ng ganito. Nakakawindang ang dahilan niya kaya ang resulta nakasimangot akong bumaba dahil kulang na lang baliktarin ko na ang lahat ng laman ng wardrobe ni Collin para lang makahanap ng damit na ayon sa gusto at panlasa nito.
Mabuti na lang at ayos na dito ang pulang bestidang suot ko. Inabot
