Luke’s POV
“Nasaan ka ngayon?” ang unang tanong na bungad ko nang sagutin nito ang aking tawag. Buti naman at mabilis niya lang na sinagot ang tawag ko, himala yata lalo pa at madalas ay nakatatlong tawag ako bago niya sasagutin.
Tahimik pa naman ang paligid kaya alam kong wala pa siya sa galaan ngayon. Sinilip ko ang oras at alas sais pa naman kaya perfect timing na rin para sa sadya ko.
“Nasa bahay. Bakit? Hindi ako available ngayon sa gala. May kameet ako, exclusive for me only.” Ang sambit nito dahilan upang matawa ako.
“Kailan ka pa natutong magmeet ng exclusive, Levi? Huwag mong sabihing nakahanap ka na rin ng katapat mo?” ngiting wika ko sa kaniya mula rito sa kabilang linya.
“Nope. Hindi naman. Nakuha niya lang ang atensyon ko but nothing changes, bro. Hindi naman ako tulad mo
