Kabanata 10
•CHARM POV•
Hindi ko namalayan na nakaidlip na pala ako at napabalikwas ako dahil sa gulat. Dali dali kong sinipat ang orasang nakasabit at napagtanto kong malapit na mag alas dose, magtatanghalian na at patay ako nito kay Maam Glo. Halos matapilok na ako sa pagbaba. Nadatnan ko si Maam Glo na masayang pinagsisilbihan si Sir Adam?
Talagang patay ako nito!
Dali dali akong pumunta sa kinaroronan ni Maam Glo "Pasensya na po, napasarap po yata ang tulog ko," paghingi ko ng pasensya. Tila hindi ako pinakinggan ni Ma'am Glo at pinagkatitigan lang ako. Napadako ang tingin ko sa nakain na si Sir Adam, naalala ko na naman ang nangyari kanina. Kailangan kong humingi ng tawad sa kanya. Nakakunot itong nakatingin saakin na para bang may mali sa mukha ko. Siguro ay naalala n'ya din an
