Amara
"PAANO malalaman kung umiiwas ang lalaki sayo?"
Sabay-sabay na lumingon sa gawi ko ang aking mga kaibigan na kasama ko ngayon sa living room ng bahay ni daddy. Umuwi ako para maka-bonding ang parents ko at matulungan si mama sa gawaing bahay. Seven months pregnant na si mama at maselan na stage iyon. Maari siyang mapaanak ng wala sa oras kaya pinayuhan na huwag mag kikilos lalo kung mabigat ang gawain. Tumingin ako sa kanila kahit bakas na bakas ang 'di mapaliwanag na reaksyon sa kani-kanilang mukha.
"For my novel, gusto ko lang malaman para may maisulat na ako." Dagdag ko pa kahit para naman talaga sa akin ang tanong na iyon.
Ginamit ko lang palusot ang isusulat ko para hindi na sila mag-usisa pa. Hindi ko kasi alam paano sasagutin ang mga tanong nila. Paano ko naman kasi ipapal
