LIV
Natuloy umalis si Oliver kanina para umuwi na sa kanila. Sa sobrang inis ko sa kanya ay lalo akong nagutom at napagbuntunan ko ang dinner na niluto n'ya. Kailan ba ako huling kumain ng ganito karami? Sa nakalipas na sampung taon ay hindi nagbago ang lasa ng mga luto n'ya. Masarap pa rin.
Iyong pagmamahal n'ya lang ang kasing-pait ng apdo.
I wasn't in the mood to wash the dishes I used, kaya binabaran ko na lang ng tubig at bukas ko na iintindihin. Tonight, I just want to get some sleep.
Pero alas tres na ng umaga ngayon at mulat na mulat pa rin ako. Hindi ko alam kung sa sobrang kabusugan o dahil sa kaiisip kung sino ang punyetang Greta na 'yon. Why did he smile when he uttered her name? Ganoon ba s'ya ka-importente sa buhay n'ya? Sa totoo lang gusto ko ng tanungin si Nanay kung
