CHARLIE
MARAHAN kong idinilat ang aking mga mata. Puting kisame at ilaw ang bumungad sa akin. Nang magising ako ay agad kong inilibot ang aking mga mata sa paligid. Walang ibang naroon maliban sa nurse na nag-aayos ng aking swero.
"Gising ka na. Teka, tatawagin ko lang ang doktor," wika nito saka matamis na ngumiti.
Nanghihina akong ngumiti. Ilang minuto pa ang nakalipas ay bumalik na ang nurse kasama ang isang lalaking doktor.
Kinuha nito ang aking medical chart na nakalagay sa paanan ng aking kama.
"D-Dok, nasaang hospital po ako?" nanghihina kong tanong.
"You're at Dela Vega Medical Center. Dinala ka rito matapos lapatan ng paunang lunas sa ospital na pinanggalingan mo. You've lost your cardiac activity twice, hence, the need to transfer you in the much equip facility," paliwanag
