CHARLIE
HUMUGOT muna ako nang isang malalim na hininga bago ako nagkaroon nang lakas ng loob na pindutin ang doorbell na naroon sa aking harapan.
Narito ako ngayon sa harapan ng condo ni Stephanie kung saan ito tumutuloy. Tumawag ako kay Emma upang hingin dito ang kaniyang address. Sinubukan kong pumunta sa kanilang bahay ngunit tanging ang kaniyang mga magulang ang aking nakausap. Hindi rin alam nang mga ito kung anong nangyayari sa kanilang anak at hindi na ito madalas umuwi kagaya nang dati. Ang duda nila ay naroon ito sa kaniyang condo at doon naglalagi. Tanging sa telepono na lamang kasi nila nakakausap ang kanilang anak.
Nakiusap ako sa kanila na hingin ang address ng kaniyang condo dahil nais ko itong makausap. Nagbigay ako ng mga detalye tungkol sa akin upang mawala ang kanilang
