CHARLIE
DUMATING ang araw ng aming team building. Lahat ay excited nang malaman kung saan pupunta. Hindi pa kasi sinasabi ng HR team kung saan gaganapin ang team building para sa taong ito. Tanging alam lang ng nakararami ay sa beach iyon gaganapin.
Katulad nang dati ay ipinaghanda ko pa rin si Kaleb ng pagkain para sa almusal. Kanina pa ito nakatayo sa may 'di kalayuan habang naghihintay ang lahat sa bus na sasakyan. Ayon sa ibang empleyado ay nakasanayan na nitong sumabay sa service bus tuwing may team building. Tila nais ipabatid ni Kaleb na nakikiisa siya sa kanyang mga empleyado sa halip na sumakay sa magara nitong sasakyan.
Dahan-dahan ko itong nilapitan upang iabot ang inihanda kong pagkain. Kasalukuyan nitong kausap ang kanyang sektarya na tila ba may ibinibilin.
"Hi!" bati ko
