CHARLIE
HALOS hindi ako pinatulog nang naging pag-uusap namin ni Kaleb kagabi. Hindi mawala sa isip ang sakit na bumalatay sa kanyang mukha habang pinipilit niya akong piliin siya. It's like a nightmare that keeps on hunting me in my sleep. Gustong-gusto kong pawiin ang sakit na kanyang nararamdaman ngunit hindi ko alam kung paano. Dahil ang kaligayahan ni Kaleb, ang kapalit noon ay ang pagtalikod ko sa pangako ko kay Garrett.
Mabigat ang katawan at masakit ang ulo akong bumangon saka nagtungo sa banyo upang maligo. Sumulyap ako sa orasan at napansin kong alas-diyes na pala ng umaga.
Halos isang oras din ang ginugol ko sa pag-aayos bago ako tuluyang nagdesisyon na lumabas. Paglabas pa lamang ng pinto ay agad kong nakasalubong si Stephanie. Malawak akong ngumiti at saka ito binati. Ngu
