HALOS ayaw nang bumangon ni Nikolai, gusto niyang manatili na lang sa tabi ng asawa. Hanggang sa mga oras na iyon ay parang hindi pa rin siya makapaniwala na kapiling niya si Aaliyah. Matagal nang panahon mula ng huling nag kasama sila, ang akala nga niya ay hindi na muli pang mararanasan ang kagaya nito.
Habang nakatagilid siya ay sinusuyod niya ang kabuuan nito. Hindi pa nakontento ay umangat ang isang kamay, ginawang tukod sa sintido, at nananatiling tahimik hindi maalis alis ang tingin sa tulog na babae. Hindi nakatiis ay hinaplos ang makinis na pisngi ni Aaloiyah, at dahan dahang lumapit upang kintalan iyon ng halik.
“Humn… wala ka bang gagawin ngayon?” wika ng namamalat na boses.
“Oh, akala ko tulog ka pa, meron baby pero dahil naririto ka kaya mamaya na lang ako bababa. Gusto k
