SUNNY Saturday morning, nasa grocery store si Grant sa loob ng isang malaking shopping mall sa kanilang bayan nang makabalik na siya sa kanilang hometown just two days ago.
Nagtutulak siya ng cart ng mga pinamiling panlalaking mga gamit at essentials at papapunta na sana ng counter para magpa-check out at bayaran ang mga bibilhin nang sa isang banda ay may nahagip ang kanyang mga mata…
Napakunot-noo siya noong una at napailing. Imposible…
Imposibleng nandito siya at makikita ko pa ulit 'yon…
Ngunit may kung anong kakaibang nagtutulak sa damdamin niyang tanging sa iisang babae lamang niya nararamdaman ng ganito… at hindi siya maaring magkamali. Kung kaya't imbes na ipagkibit-balikat at magpatuloy na sa counter ay iniibis niya ang pagtulak sa cart patungo doon sa kung saan nahagip ng mga
