"ANO ba 'to? Kape ba 'to o suman? Sobrang tamis!" komento kay Meiryn ng bagong boss niya nang inihatid niya sa table nito ang hinihingi nitong kape.
Walang sali-salitang kinuha ng dalaga ang tasa at muling tumungo sa kitchen para ipagtimpla ito ng bagong kape. Ang tamis daw, eh!
"Matabang!" sunod na naman nitong masamang komento nang bawasan niya ang sugar level ng kape.
Nainis na siya pero nanatiling tahimik at hinabaan na lamang ang pasensya.
"Brown coffee ang hinihingi ko, bakit ang pait nitong timpla mo?"
Sumama na ang kanyang itsura at ang mga tingin niya kay Grant nang muling kinuha ang tasa mula sa table nito.
Alam at ramdam niyang nananadya ito at talagang pinahihirapan at iniinis siya nito!
Nang patungo na ulit siya sa kitchen para sa pang-apat na try para makuha ang tamang
