Alas-siete ng umaga ay nakaabang na ako sa labas ng bahay. Dadaanan ako nina Bjorn. Ngayon ang alis namin papuntang probinsya. Ayaw ko sana, kaso pinayagan ako ng mga parents kom At isa pa alam na ng mommy ni Bjorn na sasama ako.
"Okay iyan, para makapag-bonding kayo ng inlaws mo at ni Bjorn na rin," sabi ni Mommy.
Kasama ko sila ni Daddy na naghihintay dito sa labas. Tahimik si Daddy. Siguro nalulungkot siya na ang kaniyang unica hija ay may sarili ng buhay. Akala mo naman matagal akong mawawala. And I'm not moving out yet.
Dumating na ang sasakyan nina Bjorn. Bumaba siya sa sasakyan upang tulungan ako sa aking maleta. Nagulat siya nang makita niya ang malaking maleta ko at isang weekend bag. Tahimik niya itong kinuha upang ilagay sa likod ng sasakyan. Nagbukas din ng pintuan si Tita
