HINDI alam ni Rose kung nakailang buntong hininga na ang kaibigan niya. Kanina pa ito tahimik habang kumakain sila ng tanghalian sa canteen. Simula ng lumiban si Iris noong nakaraang linggo, parang laging may malalim itong iniisip. At minsan natutulala ito.
“Iris, ano ba talagang nangyayari sa ‘yo?” tanong ni Rose sa kaibigan.
Iris sighed again. Tumingin siya kay Rose. “Hindi ko rin alam ang nangyayari sa akin.”
“Bakit?”
Umiling si Iris. “Hindi ko alam. My mind was wandering. Hindi pa siya bumalik.” Biro niya.
Hindi naman alam ni Rose kung matatawa siya sa kaibigan niya o ano. “Kumain ka na nga lang.”
Napabuntong hininga si Iris. Ibinaba niya ang hawak na kutsara saka tumingin kay Austin na kasama nilang kumakain. Tahimik lang ito kaya parang hindi nila ito kasama. Though lagi nama
