MAGMULA nang mawala ang kanyang mag-ina ay naging miserable ang buhay niya. May mga gabi na nagigising siya dahil sa sobrang pangungulila sa mga ito. Hindi na rin siya umuwi ng mansion nila dahil naroon ang mga taong naging dahilan kung bakit ang masaya nilang buhay ay nagkasirasira.
“Bakit hindi mo ayusin ang papel ng anak mong panganay, Nickolas? Kung galit ka sa ina nito ay huwag mong idamay ang bata. Hindi ka ba naaawa sa isang inosente? Dugo at laman mo siya karugtong ng buhay mo, bakit mo natitiis ang bata. Wala siyang kasalanan, isa pa hindi na bago sa pamilya natin ang mga ganyang sitwasyon.”
“Ilang beses ko bang sasabihin sa inyo na hindi ko anak ang batang iyon. Isang beses lang na may nangyari sa amin ng babaeng iyon. At kung pinipilit niya ang DNA test na dala dala niya ay m
