NAPAPANSIN niya ang pagkatulala ng asawang si Amirah. At nahihirapan siyang makita na ganito ang kalagayan nito. Alam naman niya na ang pinoproblema nito ay ang tungkol sa masamang plano ni Leo Araneda. At kahit gusto niyang utusan ang asawa na kalimutan na muna ang kasamaan ng lalaking iyon. Alam naman niyang hindi iyon magagawa ni Amirah.
Kaya sa halip ay lumapit siya dito at marahang hinila ang katawan nito upang yakapin. Banayad din ang ginawa niyang paghaplos sa buhok nito upang kahit paano ay mabawasan ang mga alalahanin.
“I’m sorry, Nick. Alam kong nahihirapan ka rin sa sitwasyon. Ang gusto ko lang talaga ay matapos na ang gulo sa pagitan namin ni Leo Araneda. At wala na akong ibang alam na paraan upang mapatigil ang lalaking yon sa masamang mga balakin sa pamilya natin.”
“Sweet
