NAIKWENTO ko kay Lola ang nangyari kagabi.
"Aba masama pala ugali ng may-ari no'n? Mabuti naging mabait kahit papaano kagabi. Hindi ka nawalan ng trabaho."
"Oo nga po—"
"Lota, si Yvan nasa labas na!" tawag sa akin ni Lolo kaya napatayo ako at umalis sa lamesa. Iniwan ko si Lola pati iyong ginagawa ko na nagmamasa ng nilupak.
Nanliit ang mga mata ko dahil nasisilaw sa liwanag galing sa labas. Tirik na tirik kasi ang araw. Hindi na ko lumabas at sinalubong na lang siya sa pinto. Sobrang init kasi at wala naman kaming silungan.
"Ano na naman 'yan? Naku, para kay Mika?" Sinilip ko iyong bitbit niyang plastic.
Tumango ito at ngumisi.
"Maayong hapon, La!"
Ngumiti si Lola at bumati din.
"Upo ka muna. Tulog si Mika. Napagod sa kakaiyak, may topak kasi," sabi ko sa kanya kaya tumabi siya s
