PINATAY ni Mira ang kanyang phone matapos nilang mag-usap ni France. Ang alam niya ay nasa Manila ang lalaking iyon, pero sigurado siyang ilang oras lang mula ngayon ay darating na rin ito rito. Lumabas na nga siya ng kanyang kwarto at nakita niya si Bornok na palakad-lakad sa ibaba na mukhang hindi na naman mapakali.
Bumaba na nga ang dalaga at hinawakan si Bornok sa paglalakad nito na parang nasisiraan yata ng ulo.
“Bornok, kalma na! May tutulong na sa atin para mahanap si Trixie,” sabi ni Mira nang nakangiti at muli na naman niyang nakita ang pag-aalala ng binata sa kanyang kaibigan.
“S-sigurado ba ma’am? Hindi kasi ako mapalagay kasi habang lumilipas ang oras, ay hindi ko alam kung okay ba siya. Kung ano ang ginagawa niya, kung ano ang kinakain niya? Baka may ginagawa sa ka
