Vinneah's POV
“Did you enjoy your day, Vi?” Tanong ni Fire sa akin. Magkakaagapay kami sa pag-akyat nina Ice patungo sa ikalawang palapag kung saan naroon ang master’s bedroom namin.
Kanina pa tapos ang birthday party ko pero tumulong pa muna kami sa ibaba para mag-ayos ng mga kalat. Umabot kami ng madaling-araw sa pag-aayos kaya heto at pagod na pagod kami at antok na antok pa. Mabuti at hindi masyadong nakainom ng alak ang dalawang ito kaya naasahan ko sila sa pagtulong sa pag-aayos. Kawawa naman kasi ang mga kasambahay namin. Maaga silang nagkatay ng babog, naghiwa ng mga rekado at pagkatapos ay nagluto ng mga ulam.
Sinabihan ko sila na hinay-hinay lang sa pag-inom dahil party ko ito at hindi nila party. Ayaw ko ring mag-alaga ng lasing sa birthday ko kako at baka imbes na maging ma
