Hindi ako dalawin ng antok kanina pa. Hindi ako makatulog dahil iniisip ko ang magiging desisyon bukas ni Vinnea. Kung sasama ba siya pabalik sa amin sa Taguig o hindi.
Wala naman siyang choice kundi ang sumama sa amin. Magiging rason na naman ito para magalit sa kaniya ang kaniyang ama.
Nakaramdam ako ng guilt nang maalala ko kung paano siya sinampal ni Daddy Nathan. Hanggang ngayon ay nasa isip ko pa kung paano siya umatungal ng iyak habang sapo ang kaniyang mukha na nasaktan.
Ang sakit sa dibdib sa totoo lang. Parang gusto kong saktan ang sarili ko. Kasalanan namin ni Fireon kung bakit siya sinaktan ng kaniyang ama. Dapat hindi na lang namin ipinaalam sa kaniya na naglayas si Vinnea. Dapat kami na lang ang naghanap at hindi na hiningi ang tulong niya. Parang kasalanan pa tuloy namin
