Napapailing na iniwan kami ni Ninang pagkatapos niyang sermunan ang kambal. Ako naman na hiyang-hiya ay hindi alam kung paanong akto ang gagawin ko sa harapan niya mamaya kapag nagharap-harap kami sa hapag-kainan. Pahamak kasi ang dalawang lalaking ‘to! Sinabi ko na sa kanila na tumigil na sila sa ginagawa nila dahil baka may makakita sa amin ngunit hindi nila ako pinapakinggan. Hayun! Mommy pa talaga nila ang nakahuli sa amin. Ayos lang sana kung katulong pero Mommy nila ang nakahuli sa amin kaya hiyang-hiya ako.
“Nakakainis kayo! Pahiya ako kay Ninang!” naiinis kong talak sa kambal.
Pinagsasapak ko sa kanilang matigas na dibdib ang kambal dahil sa inis ko sa kanila. Gulat na gulat naman sila dahil hindi yata nila inaasahan na magiging bayolente ako sa kanilang dalawa.
“Ouch! Vinnea n
