Pagkatapos ng kanilang naging sagutan ni Bettina, bumalik siya sa dining hall at lumapit sa asawa. Alam niyang sumunod ang babae sa kanya kaya hindi na siya nag-aksaya pa ng panahon at kumandong kay Sam upang ipakita sa lahat na sa kanya lang si Sam at walang sinuman ang pwedeng umagaw dito.
"Samboy!" Nagulat si Crisilda sa ginawa ni Jessica sa harap ng ibang bisita at tinawag niya ang pansin ng kanyang apo."Ano ba? Wala na ba talaga kayong kahihiyan?" Tumaas ang kanyang boses at nakipagtitigan kay Jessica.
Hindi hinayaan ni Jessica na makasagot si Sam sa abuela nito at kaagad na sinakop ang mga labi ni Sam. Narinig niya ang pagsinghap ng iilang tao sa kanyang ginawang kapangahasan ngunit hindi siya ipinahiya ni Sam dahil gumanti ito at ang sunod niyang narinig ay ang malutong na sigawan
