ACALLY
"Sabby!" bulalas ko matapos makita ang lalaking madilim ang mukha na bumungad sa harapan namin.
Nakatayo ito habang nasa likod ang ilang kasamang tauhan na tulad ng amo na kasama ay parang pasan ang lahat ng problema sa mundo dahil mga seryoso rin ang mga pagmumukha ng mga ito.
Agad na tumayo ako at mabilis na lumapit dito. Niyakap siya ng mahigpit sa bewang saka patingkayad na hinalikan sa pisngi.
"Kamusta ang work mo Sabby?" malambing na tanong ko. Kailangan kasi ito para mawala ang init ng ulo nito lalo pa at mukhang hindi niya nagustuhan ang eksenang nadatnan dito sa sala.
Bukod kasi sa kasama ko ang mga kaibigan ko at tauhan niya ay maingay at nagkakagulo kami dahil na rin sa bangayan nina Ruel at Mc. Sumabay pa ang madaldal na si Angel.
"Boring," patamad na sagot nito.
