"Sigurado ka ba sa nakita mo, Erick?" May halong pagkainis ang boses ni Ortega nang tanungin ang kasamahan. Dapat lang na sigurado ito sa nakita kasi kung hindi, makakatikim ito sa kanya! Dinistorbo lang naman nito ang pakikipaglampugan niya kay Lilian. He almost had her, right there in the garden!
"Positive," sumagot si Erick at ipinakita rin niya ang footage na nakuha sa cctv camera malapit sa vineyard. Nagtaka siya kung bakit tila naiinis si Ortega sa inereport niya. Hindi ba kabilin-bilinan nito na ireport kaagad kung may makita na kahinahinala sa paligid?
"Sorry." Humingi ng paumanhin si Ortega nang ma-realize niya na walang ginawang masama si Erick. Sinunod lang nito ang kanyang utos.Tiningnan niya ulit ang monitor at nandoon pa rin ang lalaki. Nakatagilid ito na parang may kausap
