HININTAY ni Gianne ang pagkakataon na makaharap niya ng sabay ang dalawang lalaking mahalaga sa kanyang buhay buhay. Upang hindi makagawa ng alibi ang Kuya Marcus niya at malaman na totoo lahat ng sinabi ni JM.
“Kuya Marcus, sabihin mo sa akin ngayon ang totoo, nasa harapan natin si JM. At huwag kang magkakamaling magsinungaling dahil sinabi na niya sa ang deal nyong dalawa.”
“Kung ganun bakit kailangan ko pang ulitin sabihin sayo?”
“Bakit kailangan mo akong paniwalaan na patay ka na? Hindi mo alam kung gaano ako nagluksa, iyon pala ay buhay na buhay ka naman pala! Talagang kinasabwat mo pa si JM. Kung hindi pa mismo siya ang nagsabi sa akin ng totoo ay hindi ka lalantad. Napakamakasarili mo, Kuya. Wala kang pakialam sa akin na nasasaktan ako dahil sa kasinungalingan mo.”
“Huwag ka ng
