"Inay, anong oras daw darating si ka Ising?" Abala ako sa pagluluto ng aming pananghalian ng mga oras na iyon. Excited ako dahil ngayon namin kakausapin si ka Ising tungkol sa pwesto sa palengke na inalok nito sa amin.
Anim na buwan na rin ang lumipas simula ng magpasya akong umalis kila Master Zeus. Mas nakabuti na rin dahil nakapiling ko na ang aking pamilya. At unti unti ko na ding nakakalimutan si Master Achi kaya kahit papaano ay nakakatulog na rin ako ng maayos at hindi na ganoon kasakit kumpara noon.
Ang naipon kong pera sa paninilbihan bilang katulong ay inilaan ko talaga para sa maliit na pwesto sa palengke. Tila pinaboran ni Lord ang hiling kong pwesto dahil si ka Ising na binabagsakan namin ng mga gulay ay ibinenta ang pwesto nito sa amin. Mag-aabroad daw kasi ang kanyang anak
