Alyas Kanto Boy 2
The Reunion
AiTenshi
Part 108
ALDRIN POV (AGG)
"Ang lahat ng naganap kanina ay plano ni konsehal Johan Escaler. Siya ang nagpapunta sa mga pulis para hulihin ang mga naghamon ng away sa kabilang bayan. Sila rin ang dumukot kina Greg at Julian. Ginawa ni konsehal ang best niya para isalba ang mga hostage. Kaya sana boss ay maabsuwelto na itong mga bata at pauwiin na natin sila para hindi na lumaki pa itong issue. Nahuli naman na ang mga suspek," ang wika ng kumpare ni Johan na pulis sa chief, siya ay isa sa rumesponde doon sa kabilang bayan kanina upang isalba kami.
"Oo nga chief, huwag na natin palakihin itong issue, baka isipin ng mga kababayan natin na nakikipag basag ulo kami ng asawa ko," ang wika ni Johan pero puro pasa ito sa mukha at may tama pa ng suntok sa
