"I KNEW it. I'm really sorry kung wala akong ginawa that time, Sweetheart. Naduwag ako. No, natakot akong matuklasan na hindi pala ako ang gusto mo," ani Alexis matapos niyang iparinig dito ang naging pag-uusap nila ni Anthony. Sinabi niya rito ang lahat. Wala siyang iniwang detalye sa ginawa nilang pag-uusap ni Anton. Tinotoo nito ang sinabing pupuntahan siya after office hours, at ngayon nga ay kasama niya itong nagkakape sa kusina. Tumayo siya para kumuha ng platito. Kukuha siya ng slice ng cake na dala nito. Gusto sana niyang sabihin kay Alexis na talagang masama ang loob niya dito dahil wala man lang itong ginawang paraan noon sa halip ay iniwan na lang siya basta. Na baka kung kinausap siya nito noon ay hindi sila humantong sa hiwalayan at posibleng nagkalinawan sila kaagad. Na mabut
