"DITO mo ba gusto, o mas gusto mo sa kwarto ko." Puno ng ka-arogantehan ang tinig ni Alexis nang tanungin iyon habang nakayukod ito sa may gawing balikat niya. Nakaupo siya sa monoblock chair at nakaharap sa vanity mirror. Nakatingin siya sa mga mata nito sa salamin kaya kitang-kita niya ang kakaibang damdaming nakapaloob doon nang mga oras na iyon pero wala siyang pakialam. Nasusuklam siya rito at iyon ang dapat niyang alalahanin. Inismiran niya ito pagkuwan. Kung ganito ang gusto nito ay pagbibigyan niya. Katawan niya ang gusto nito alam niya iyon. Pero ipararamdam niya ritong habang inaangkin nito ang katawan niya sa bawat araw na magdaraan ay pagkamuhi at pagkasuklam para rito ang isusukli niya. Hindi niya hahayaang masiyahan ito ng tuluyan. Sisiguraduhin niyang kakainin ito ng konsens
