PARANG gustong mahiya ni Ninia sa mag-asawang Villarubin dahil hawak pa siya ni Alexis habang pumapasok sila sa sala ng mansyon kinabukasan. Binabawi sana niya ang kamay nang bumaba sila ng kotse pero hindi iyon binitiwan ng alkalde. Sa mga kamay tuloy nilang dalawa na magkahawak nakatingin ang mag-asawa habang pumapasok sila. Bakas ang pagtataka sa mukha ng mga ito kung bakit sila magkasama.
"Good morning, Ma, Pa," sagad ang ngiting bati ni Alexis sa mga magulang sabay halik sa pisngi ng mga ito. Kitang-kita niya nang sa halip na kaagad tumugon sa anak ay natigilan si Mrs. Villarubin. Bagkus ay nagpalipat-lipat ang tingin nito sa kanilang dalawa ni Alexis. Batid niyang may gusto itong sabihin pero hindi maituloy.
"Good morning ho, Ma'am, Gov. Pasensiya na ho kayo kung ngayon lang ho a
