Vaniella's POV
“Miss Vaniella, mabuti naman at gising ka na.”
“Ay kabayong bundat!” Bulalas ko dahil sa gulat. Muntik pa akong mahulog sa sofa dahil hindi ko inaasahan na bigla na lang magsasalita si Manang sa gilid ko pagmulat pa lang ng mga mata ko.
Ano ‘yon? Nakabantay ba siya habang natutulog ako? Hindi naman ako magnanakaw dito sa bahay ng kambal. Isa pa, mukha ba akong may gagawin na hindi maganda? Suot ko pa ang uniporme ko na camouflage, dito pa lang sa suot ko ay dapat niyang malaman na wala akong gagawin na masama. Sabagay, sa hirap ng buhay ngayon lalo na at kabilaan ang krimen, mahirap talagang magtiwala sa mga tao. Lalo na at bigla na lang akong sumulpot dito at natulog.
“Pasensya ka na, hija. Nagulat yata kita?” Hinging-paumanhin ng matanda.
Nilingon ko ang matanda sa m
