Kabanata 28
Nightmare
"Tama na po! Huwag n'yo nang saktan si Inay!"
Malakas ang hagulgol ko habang hawak sa laylayan ng damit ang aking nanay Ruth. Lasing na naman si Tiyo Oscar at napagdiskitahan niya si Inay.
"Hoy, ikaw na bata ka, huwag kang makikialam dito kung ayaw mong ikaw ang ipalit ko sa mama mong walang silbi!"
Tumalim ang tingin ko sa kanya at hindi pa rin binitiwan ang laylayan ng damit nito. Kagagaling lang namin sa karendirya nang madatnan namin ang lasing na si tiyo.
Siguradong talo na naman ito sa sabong kaya naglasing at mainit ang ulo. Si Inay ang palagi niyang sinasaktan pero sa huli ako palagi ang nasisisi dahil sa pakikialam ko.
"Ayaw mo talagang bumitiw, ha?"
Hinablot ako ni tiyo sa aking braso kaya napabitiw ako kay Inay. Mabilis akong sumulyap dito na siyang
