Chapter 34
Hindi inasahan ni Psyche na matatagpuan niya sa isang napakalayong lugar sa Dublin ang isang village na halos mga Pilipino ang nakatira kaya naman anong saya niya. Para siyang nakauwi sa Pilipinas nang wala sa panahon kaya lalo tuloy niyang namiss ang mga kapatid niya at mga kaibigan.
Nakaupo siya sa isang maliit na putol na kahoy at kausap ang mga kababaihan doon. Halos ang mga naroon ay babae at ang mga naiwan lang ay mga may edad na lalaki, bilang pa sa daliri kung ilan.
“Bakit nga ho ba iilan lang ang lalaki rito?” usisa niya sa isang kaharap.
“Nasa warehouse sa Scotland ang mga asawa namin, sa warehouse ng Prestige na pag-aari ng Daddy ni Lord Mayor.” Sagot ni Imelda sa kanya na ang kwento ay isang katulong dati at nakapangasawa ng isang British na hin
