KABANATA 35:
HINDI KO ALAM kung dapat ko bang ikatuwa o ikatakot na mananatiling tahimik si Paul para sa dati naming relasyon bilang magkaibigan. Pakiramdam ko ay may iba pa siyang ipinapahiwatig. Magiging ayos naman kung sakaling siya ang makahuli kay Demetrious ngunit kakaiba talaga ang pakiramdam ko, tila hindi magiging maganda ang kahihinatnan nito. Isa pa, si Paul ay anak ng detective na humawak din sa kaso ni Demetrious noong si Mama ang nabiktima.
Ilang araw ko nang hindi nakikita si Demetrious, gustuhin ko mang magtanong, hindi ako makapagtanong dahil ayaw kong maghinala sila. Lalo na kay Matias na halos hindi ako pakawalan ng tingin. Kapag narito kami sa bahay, kulang na lang kung saan ako naroon ay nakasunod rin siya.
“Pati ba naman dito sa kusina?” Kukuha lang ako ng kape ay
