Third Person's POV
Pinuntahan ni Lucas si Sage sa kanyang silid. Mula ng umuwi sila ay hindi na siya kinausap ng bata, nanatili lamang itong tahimik at matamlay. Alam niyang nagtatampo sa kanya ang anak dahil sa nangyari kanina at hindi niya ito masisisi. Naiinis siya sa kanyang sarili kung bakit ba hinayaan pa niyang mangyari na magkita ang mag ina. Ang buong akala niya ay kahit hindi man agad matanggap ni Sage si Yassi ay magiging maayos naman ang una nilang pagtatagpo. Nagkamali siya.
Kumatok muna si Lucas nang ilang beses bago nagsalita. "Sage, can I come in?" tanong niya rito. Nang wala siyang marinig na sagot buhat sa anak ay marahan niyang pinihit ang seradura ng pinto. Maliit na awang lamang ang nilikha niya at ipinasok ang ulo sa loob upang silipin ang bata. Nakita niyang na
