Dani's POV
Naramdaman ko ang banayad na halik sa aking noo kaya naman agad kong iminulat ang aking mga mata. Nabungaran ko nang tingin si Sir Lucas na nakaupo sa gilid ng kamang aking kinahihigaan. Kababalik lang namin sa Batangas kagabi, hinatid kami ni Sir Lucas. Ayaw na nga kaming pauwiin pa dito ni Sir David at Ma'am Lei. Hindi naman sa hindi ko sila gustong kasama, katulad nga ng nasabi ko mas masarap sa pakiramdam kapag narito kami, mas komportable ako at nagagawa ko ang lahat ng nais kong gawin. Sa mansion kasi ay limitado lang ang pwede kong magawa, iba narin ang trato sa akin ng mga kasambahay doon, hindi na katulad ng dati dahil nalaman narin nilang nobyo ko na si Sir Lucas. Sinisikap ko namang kumilos parin na kung sino ako nang una nila akong makilala para hindi sila mailang s
