BUMUKAS ang pintuan ng silid namin ni Darius. Agad akong bumangon nang maramdaman ko na ibang tao ang nasa pintuan.
"Bakit?" tanong ko kina Camila at Kevin na nakatitig lang sa akin.
Bukas ang dalawang lampshade kaya kita ko ang mga itsura nilang hindi maipinta. Titig na titig ang mga ito sa akin.
Mabuti na lang talaga at nakapagbihis na ako ng maayos na damit.
"Magbihis ka. Aalis tayo," sabi ni Kevin.
Pinilig ko ang aking ulo saka siya tinignan ng may pagtatanong.
"Hintayin ka namin sa baba," sabi niya at muling sinarado ang pinto.
Ano'ng nangyayari?
Hindi na ako nagsayang pa ng oras. Agad akong naghanap ng tshirt at pants sa closet.
Pagdating ko sa baba, naroon ang lahat ng myembro ng pamilya, maliban sa mga bata na mahimbing ng natutulog.
Tumayo sina Kevin, Franco at C
