Chapter Eighteen
"Kady, paano kung may lumapit sa 'yong lalaki at magsabi na kaya niyang ibigay sa 'yo ang hindi kayang ibigay ng asawa mo?" seryosong tanong nito sa akin.
"Tatanggapin ko ang kaya niyang ibigay---"
"Gov?" biglang dating ni Kygan. "Ito na iyong laptop mo." Lintik na Kygan ito, wrong timing. Napaayos ng upo si Governor Rosales. Ako naman ay bahagyang ngumiti kay Kygan na parang nagtaka dahil sa reaction naming dalawa ni governor. "Mukhang seryoso ang usapan dito. Pasensya na. Labas muna ako." Paalam ni Kygan.
"Stay, Kygan. Mag-almusal na tayo." Yaya nito sa lalaki.
"Aalis na ako, governor." Paalam ko naman dito.
"Stay, Kadynce. Hindi pa tayo tapos mag-usap. Sumabay ka na rin sa aming mag-breakfast."
"Gov, tuloy ba tayo roon sa invitation ni Governor Rusco Claverra?" n
