Hindi dalawin ng antok si Travis kinagabihan kaya naman mas minabuti niya na mag-ikot-ikot sa may dalampasigan. Nakayapak lamang siya at nakasuot ng maong short at white sando. Nakapamulsa ang kaniyang mga kamay habang naglalakad.
Nakatingin si Travis sa kalangitan habang nakangiti dahil hindi nagtagumpay ang grupo ng Black Diamond sa transaksyon. Nalaman niya iyon kay Sir Yohan na kaagad na nagpadala sa kaniya ng maikling text messages.
Idagdag pa ang sweet long message na galing kay Vicky. Malungkot daw ito na wala siya sa Valentines Day ngunit pipilitin niyang makagawa nang paraan para makasama ang dalaga. Upang makabawi siya sa mga kalokohan na pinaggagawa niya ngayon. Pinipilit ni Travis na lumayo sa tukso pero lalaki lamang siya at hindi niya iyon kaya. P'wera na lang siguro kung p
