Nanatiling tikom ang aking bibig, habang si Raiden naman ay titig na titig sa akin ang mga mata niyang nanlalabo na dahil sa mga luha. Hindi ako dapat maawa sa kaniya. Hindi ko din kailangang magpaliwanag sa kaniya.
Ako naman talaga si Rosario Bayani. Ang nilihim ko lang sa kaniya ay ang tungkol sa aking ama na isang Neville. Hindi ko sinabi na isa akong Neville, dahil nang tinakasan ko ang kasal ko, tinalikuran ko na din ang pagiging isang Neville ko.
Dismayado siyang nakatingin sa akin at maya-maya pa ay basta na lang siyang umalis. Ang kaniyang ina ay napakurap at tila hindi malaman ang gagawin. Para bang bigla ding nag-iba ang tingin niya sa akin dahil sa kaniyang nalaman. Pero kahit ano pa ang iniisip niya sa akin, wala na akong pakialam pa.
May ilang mga tao na nakatingin na pa
