Naliligo na sa pawis ang mga bata. Kanina pa sila talon nang talon at tila wala silang kapaguran. Sanay na kami sa kanila, pero si Raiden ay manghang-mangha pa din. Inaawat niya ang mga ito pero wala namang pinakikinggan ang mga ito.
"Daddy, look at me!" Nagyayabang pa sila. Aakyat sila sa tuktok ng sofa tapos tatalon.
"Tingin ko hindi sila dapat nanonood ng spider man at mga anime?" tanong niya habang nakangiwi.
"Hindi sila nanonood ng ganoon. Sadyang malikot lang talaga sila."
Ngumiwi siya. "Ganito talaga sila?"
Tumango-tango ako. "Masasanay ka din."
"Yeah." Maya-maya ay nakangiti na siya. Umiling at mahinang tumawa.
"Thank you for raising a two healthy babies."
Natawa din ako.
"I did it better!"
"No! I did it betey!"
Heto na naman 'tong dalawa. Nagtatalo na naman. "
