Nagulat sina Angel at Marie nang bigla na lamang may pumasok na lalaki. Napataas pa ang kilay ni Marie nang makitang guwapo, macho, malinis at napakabago ng lalaki sa suot nitong all-white doctor's gown nito.
"Ops, sorry, akala ko walang tao kasi kanina pa ako nakatok," saad ng lalaki.
Hindi pa rin nakahuma sina Angel at Marie sa kaguwapuhan ng lalaking nasa harapan.
Tumikhim pa ang lalaki dahilan upang matauhan.
"Yes?" agad na turan ni Angel na unang makabawi.
Ngumiti ang lalaki dahilan upang lumabas ang magkabilaang biloy nito na mas lalong nagpatingkad sa kaguwapuhan nito.
"A, ako nga pala si Dr. Andrew Javier, isang Urologist. My colleague, asks if I can see his patient case. He told me that your available recipient is a cancer patient, I will try to help him if it will be possi
