Kapwa napamaang ang magkapatid na Angel at Anne nang biglang bumukas ang pinto. Buong akala nila ay ang kanilang ina ang dumating pero natigilan sila nang makita ang seryosong mukha ni Trevor.
"A-Akala ko ba'y umalis ka na?" palatak na tanong ni Angel sa lalaki.
"Paalis na nga sana ako pero parang may humihila sa akin pabalik. Mabuti na lamang at bumalik ako at nalaman ang totoo, mula mismo sa bibig ni Anne. Ngayon, tatanungin kitang muli, Angel, anak ko ba si Tiffany?" matiim na tanong ni Trevor.
Kita ni Angel ang guiltiness sa mukha ng kapatid, ayaw niyang isipin nitong kasalanan niya kung bakit nalaman ni Trevor ang hinggil sa anak.
Napabuntong-hininga siya ng malalim saka hinarap ng matatag si Trevor, malayo sa Angel na nadatnan ng kapatid kanina.
"Oo, Trevor, anak mo si Tiffany,
