Nagulat silang lahat sa narinig na putok ng baril, inis na bumaling si Nicholas sa mga tauhan.
"Sorry po, bossing, hindi ko po sinasadya," humahagos na wika ng isa.
"Tanga! Alam mo bang hindi pinaglalaruan ang baril? Paano kung may makarinig niyan at isumbong tayo?" bulalas na sita ni Nicholas sa tauhan.
"Pasensiya na, bossing medyo atat lang itong is Istong," salo ng pinakalider ng grupo.
"Next time, kumuha ka ng tauhang hindi tanga, alam mo bang nagulat ako roon, akala ko ay pinasok na tayo ng mga pulis sa katangahan ninyo!" singhal ni Nicholas sa mga ito saka bumalik sa kinaroroonan nina Angel.
"Pakawalan mo kami, Nicholas bago ka pa huliin ng mga pulis," turan ni Patricia, kahit papaano ay ayaw niyang makulong ang kapatid na inalagaan at prinotektahan ng maraming taon.
"Huliin n
